منتديات نور الشيعه
يا هلا وغلا بل الجميع

علي وسيف ذو الفقار

استعرض الموضوع السابق استعرض الموضوع التالي اذهب الى الأسفل

علي وسيف ذو الفقار

مُساهمة من طرف sun في الثلاثاء نوفمبر 15, 2011 4:30 pm

عندي يا مولاي بعض ألأسئله

الواحد بواحد إذا تضربه شيصير؟؟؟

غير واحد؟ ؟شو غلط بالمسئله؟؟؟

أنت كل واحد تضربه بذو الفقار

ينقسم نصين يطلع حاصله!!!

وينطرح بس ينضرب ما ينجمع

شلون واحد والجمع ما يقبله؟؟؟

سيفك القانون بس محد رضاه

لأن أول سيف ينصف قاتله

وراسك القرآن بس محد قراه

وإنفتح بالسيف مو بالبسمله

يا فقير ومنزلك مثلك فقير

وما كو واحد أعلى منك منزله

الثقل بس ضربتك كلهن سراب

والذهب بس مذهبك كلهن طله

الله ما حطلك ملك للسيئات

ملكينك حسنات إمسجله

على جتافك ينعس ويغفه الملاك

وإنتّ ساجد للصبح بالنافله

ما تنام مخدتك تسأل عليك

وتصبح من الشوق سجادة صله

المشكلة بلا حل تجيهم وإنتّ لا

الحل يجيك وما كو عندك مشكله

إنتّ ما ناطق حرف عن الهوى

يعني لازم حجيك إحنه إنرتله

إو والله لو ميت وحي بذاك الزمان

وينقص القرآن إنتّ اتكمله

ناقشوني عالبكي وماي السبيل

وأعتذر مولاي كالوا مهزله

راح أضم وجهي وعليك أبكي بإناء

حتى أراويهم دمعتي إمسبله


تعني قلة مرجلة دموع الرجال

بس عليكم تعني قمة مرجله

إنتّ من النور أصلك والله نور

يعني إنتّ والله تربطكم صله

ويا أمير الما ينصبونك أمير

صدقوا بهذا ألأمر مو مخطئين

لأن كَالولك عليهم ماتصير

وإنتّ يامولاي أمير((المؤمنين))

نّصّبوا غيرك ولكن ماحجيت

لأن ما محتاجهه ونقسم يمين

لو كنت محتاجهه ترد الزمان

وبحياته ينّصّبك طه ألأمين

وإنتّ رجّعت الشمس إم الحساب

يعني تكَدر يا علي إترجع السنين

مو أمير شلون جا ياهو ألأمير

ما إلك مولاي بالوادم قرين

وكلمن يحطونه غيرك مايصير

إنتّ أصلح لو يحطون الحُسين

وصّه بالثقلين من بعده الرسول

يعني قرآنه وعترته الطاهرين

العترة نسلك ياعلي وإنتّ الكتاب

يعني بس وحدك تعادل ثقلين

شنهي حجتهم علي وما نصبوك؟؟

جنت جاهل؟؟ لا يحيدر كاذبين

إنتّ مو جاهل جنت عمرك صغير

وجانوا إهمه كبار لكن جاهلين

وإنتّ باب الكل مدن علم الرسول

وهمه صاروا من خلالك عالمين

وطالما باب العلم إنتّ وقصير

يعني كانوا من يجوك مدنَكَين

يا إمام إنتّ أوّلي إبّدء الكتاب

الما قروا إنك ولي شربوا حميم

إنتّ باء البسملة ولو ما قروك

تصير(سم الله الرحمن الرحيم)

الدين ما يقبل غلط والشك حرام

الدين حجي الله رب العالمين

شلون أشك بعصمتك وإنتّ الرسول

وصّفّك قران ناطق يعني دين

يعني حبل الله ويكول إعتصموا بيه

شلون مو معصوم يعصم معصمين؟؟؟

لا يسيف الله غيرك ما كو سيف

حتى موتك هم ثبت للعالمين

بالصلاة ضربوك بس ساجد بقيت

وكان راسك منشطر نصف انشطار

ومثل سيفك سيدي شويه إنحنيت

وما تميز يا هو بيكم ذو الفقار










sun

انثى تاريخ التسجيل : 09/10/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى